અંબાજીના દ્વાર નજીક ધસમસતાં પાણીમાં વહી જતી છોકરીનો હોમગાર્ડે બચાવ્યો જીવ

ગુજરાતમાં છેલ્લાં ઘણાં સમયથી વરસાદ વરસી રહ્યો છે. ત્યારે છેલ્લાં ઘણાં કલાકોથી બનાસકાંઠાના વિવિધ વિસ્તારોમાં અવિરત વરસાદ વરસી રહ્યો છે. અંબાજી મંદિરના વીઆઇપી ગેટ નંબર 7 પાસેની ઘટના બની હતી. જેમાં અંબાજી મંદિર રોડ પર ભારે પાણી વહેતા બાળકી તેમાં તણાઈ હતી. પરંતુ અંબાજી મંદિરના મહીલા હોમગાર્ડ દ્વારા  દોડીને સત્વરે આ બાળકીને બચાવી હતી. આ સમગ્ર ઘટનાનો વિડીયો સોશિયલ મીડિયામાં વાયરલ થયો છે.

માર્ગો પર નદીની જેમ પાણી વહેતું જોવા મળ્યું ભારે વરસાદને પગલે સમગ્ર અંબાજી પંથકમાં ધસમસતાં પાણીના પ્રવાહ વહી રહ્યો છે. અંબાજીમાં પડેલ ભારે વરસાદને પગલે રોડ પર પાણી વહી રહ્યું છે. ત્યારે આજે જગત જનની દેવસ્થાન અંબાજીના પ્રાંગણાં પણ ધસમસતા પાણી જોવાં મળ્યાં હતાં.